首先,先将你嘅阅读频道转到粤语,即是广东话。
事件发生在离吉隆坡偏远的一个小镇度。。一日,我哋四个人北上吃喝完之后,返到呢个小镇度。。当我哋都冲晒凉之后,时间都已经唔早喇(十二点),不过我哋边会咁早瞓喇。。于是,我哋四个就围住张四方台,就更系唔系打牌喇,系打佢哋最钟意嘅dota喇,不过就冇我分,因为我唔识打,我就坐系一边睇。。
大概打佐剩个钟,忽然间,我哋屋企嘅门钟俾人gam(按) 到好似惊天大逃亡咁紧张,gam(按)到个门钟就爆咁。。我哋心谂都大概估到系楼下嗰个师奶喇,除佐佢都冇乜边个咁得闲半夜三更来揾我哋,我哋嘅心都毛佐下,冇人敢去开门,大家都非常有默契咁你睇我,我睇你。。终于,我哋最英勇嘅肥哥,挺起胸膛加上冇着衫露出两粒波,好有型咁去开门。。
当门开佐之后,门钟亦都停佐,系呢个时候,比门钟更厉害嘅一把声,好似机关枪咁开始不停扫射,门口呢位师奶嘅嘴开始不停咁“吠”。。如果佢把嘴真系机关枪,我谂我哋屋里边嘅四条友应该都重伤身亡喇。。
呢个师奶不停问我哋,“究竟半夜三更你哋系度做D么也,点解楼下一直听到拖櫈同dumbbell嘅声,我同佢嘅子女半夜都听到,我哋要一早起身返工读书,我唔理你哋系度打机或者搞gay,唔该你哋唔好吵好嘛,不是第一次啦。。”(语气当然冇咁客气啦,说话仲越来越难听,仲有D乞人憎)
我行到门口,“阿Aunty,sorry ar..我知可能我哋真系吵到你,不过请问你觉得我哋应该会系个厅度做D么也le?你都见,我哋坐定定围住张台打机,我哋返房就瞓觉,如果我哋真系吵到你,真系对唔住咯。。”
本世纪最荒谬的一句话就在此刻出现喇,师奶:“我好介意你哋叫我Aunty,我唔系大你哋好多,我嘅名叫Kxxxx。。”(边个想知你嘅名哦,你D咁嘅街市名)
唔知佢系唔系吵到冇也好吵,我就索性用好唔爽嘅眼神叫佐一声“姐姐”,叫佐我都想呕,不如杀佐我啦。。佢或者真系唔系大我哋好多,不过佢副咁嘅尊容,仲要有子女,唔系Aunty系咩哦。。当时真系想帮佢影幅相,放上网,请广大的网友帮忙投票到底佢系唔系Aunty。。
好地地一个Aunty,唔认都算啦,仲要将D头发剪都Tomboy咁,染红色,加上一对黑眼圈,佢老公唔知一睇见想唔想呕,唔知会唔会后悔娶佐佢。。佢D子女仲惨,佢放学去接子女,子女都唔知敢唔敢认呢个阿妈好。。
枉佢好似饱读诗书,都唔讲道理,一开门就不停咁吵,简直就拖衰D诗书。。如果佢好声好气讲,我知我哋都有唔ngam,我哋都会尽量配合,行路细声D,拉櫈都轻D啦。。如果佢真系咁有钱,就买埋上边个单位,唔好俾人住咯,不过佢咁乞人憎,我惊楼下嘅都睇唔过眼,用扫把棍起势咁笃天花板。。
呢张相虽然唔系佢本人,但已经充分表现了嗰位泼妇嘅神髓,仲表现得淋漓尽致,堪称系佢嘅代表图,恭喜!!!
![](https://blogger.googleusercontent.com/img/b/R29vZ2xl/AVvXsEiVsEe6JxvUnrcRgIo_eOs6KfTX_G8EPVbR8XMvlUJ6b_Gr6J1Y40I-5mLCJ5WA9e4HlHj9adNWr607IE88-214nzcmQe8nja5quQ6huOVbkHZKXwh_ndt-qF8BSMm78Q4rWxCr2xRdTPE/s400/resier.jpg)
以上纯粹个人意见,仲有D唔理智,真系对唔住。。